Atxiki zaitez edo jaso jaietako eta gaueko gune pribatuetako aisialdietako indarkeria sexista prebenitzeko eta horren aurka jarduteko ziurtagiri-protokoloa.
Iruñeko Udaleko Hezkuntza, Berdintasun eta Kultura Aniztasuneko Alorrak, Berdintasunerako III. Planean, “Emakumeen aurkako indarkeriarik gabeko bizitza hiri seguru batean” esku-hartze eremuan, helburu nagusia du Iruñea indarkeriarik gabeko hiri seguru bihurtzea, emakumeak, horien oroimena eta hiriaren garapenari egiten dioten ekarpena errespetatuko dituena. Horretarako, ziurtagiri hau landu du, jaietako eta gaueko aisialdiko lokal eta guneentzat eta bertako langileentzat.
Aisialdiko lokal konprometituak
Horrelako indarkeriei aurre egiteko jardueretan aisialdiko enpresak inplikatzea funtsezkoa da erasoak pairatu dituzten emakumeak babesteko.
Langileen prestakuntza
Protokoloa ezagutzea funtsezkoa da aisialdiko lokaletako langileak behar bezala jardun daitezen indarkeria-mota horren biktimei laguntza emateko.
Gizartearen konpromisoa
Gizarte osoak aisialdiko guneetan gertatzen den indarkeria sexistaren aurrean duen konpromisoa erakunde publikoen zein pribatuen, enpresen eta langileen ardura da. Funtsezkoa da kohesioz jokatzea gaitz horri aurre eginen badiogu. Iruñeko Udalaren webgunean jasotako beste ekintza zibiko batzuk ezagutzera gonbidatzen zaituztegu.
